PARMA - MILAN
Castillejo s’mjafton, Milan ndalet në ” Ennio Tardini”
20 April, 2019 @14:27
Pas fitores ndaj Lazios xhiron e kaluar, skuadra e Milanit ka gabuar sot në takimin e luajtur ndaj Parmës në “Stadio Ennio Tardini”.
Pjesa e parë mes skuadrave u mbyll pa gola, ndërsa në pjesën e dytë ishin kuqezinjtë ata që shënuan të parët përmes Castillejos për 0-1.
Mirëpo, vendasit reaguan mirë dhe e barazuan rezultatin përmes portugezit Alves, i cili shënoi mjeshtërisht nga goditja e dënimit për rezultatin përfundimtar 1-1.
Barazimi i sotëm mund t’i kushtojë skuadrës së Gatussos në luftën për një vend që dërgon në Champions League sezonin e ardhshëm, kurse Parma në anën tjetër sot mori edhe një pikë mjaft të rëndësishme për t’i ikur sa më shumë pozitave të fundit të tabelës.
