BRAZILIANI I RI
Lucas Paqueta arrin te Milan
10 December, 2018 @12:39
Mesfushori ofanziv i Flamengos, Lucas Paqueta, është pranë zyrtarizimit te Milan.
Njoftimin e kanë bërë mediat italiane sot, derisa Paqueta është parë mbrëmë në stadium duke shikuar Milan-Torino, e sot është afruar në ekip për të kryer testet mjekësore para nënshkrimit të kontratës.
Lucas Paqueta është 21 vjeç dhe ka qenë pjesë e Brazilit U20, ndërsa ka regjistruar këtë vit edhe 2 paraqitje me seniorët e Brazilit.
Ai përgjatë karrierës së tij ka qenë vetëm pjesë e Flamengos, që nga moshat e reja, ku me ekipin e parë ka pasur 49 paraqitje dhe ka shënuar 11 gola.
Mediat italiane shkruajnë se Milan do t’i paguajë 35 milionë euro Flamengos për të blerë kartonin e Paquetas.
