Luksemburgu ia mohon fitoren Italisë

Italia është befasuar sonte nga Luksemburgu dhe nuk ka arritur të shënojë fitore ndaj një përfaqësueseje gjysmëprofesionale! 

Kampioni i katërfishtë Botëror ka pranuar një gol në minutën e 85-të të takimit nga Maxime Chanot, që ka barazuar në 1-1 dhe me këtë ka mbetur edhe në ndeshjen e pestë me radhë pa fitore. 

Golin e epërsisë për italianët e shënoi Claudio Marchisio në minutën e nëntë të takimit, derisa trajneri Cesare Prandelli, provoi me Mario Balotellin e vetmuar në sulm, për të futur në pjesë të dytë edhe Antonio Cassanon, Alessio Cercin e Lorenzo Insignen, por pa sukses. 

Italia në Kampionatin Botëror gjendet në grupin e vdekjes bashkë me Anglinë, Uruguajin dhe KostaRikën.