COPA DEL REY

Madrilenët pa problem në Kupë
29 October, 2014 @22:15
Kampioni i Spanjës dhe i Europës, Real Madrid, ka kaluar pa problem ndeshjen e parë të së 16-së finales së Kupës së Mbretit.
Ata kanë mposhtur Cornellan në Llobregat të Katalonisë me rezultat bindës 1-4, derisa Cornellanët do të udhëtojnë në Madrid vetëm si turist në ndeshjen e kthimit.
Ekipi i Carlo Ancelottit me ekip të dytë ka arritur të shënojë fitore ndaj kundërshtarit të sotëm, derisa vetëm Karim Benzema dhe James Rodriguez nga ekipi i parë i madrilenëve kanë startuar ndeshjen e sotme.
Ndeshja e kthimit, që kualifikon në të tetën e finales luhet në mes të dhjetorit, më datën 17.