Mallkimi “Anoeta”, Barcelona ndalet

Ashtu si shumë herë përgjatë viteve të fundit, edhe sonte Barcelona u përball me probleme në ndeshjen e luajtur në “Anoeta” të Sociedadit.

Ndeshja e luajtur sonte u mbyll me rezultat 2-2, rezultat që mund të bëjë që Barcelona ta nisë “El Clasicon” e së mërkurës nga vendi i dytë, në rast se Reali fiton nesër mbrëma në udhëtim te Valencia.

Oyarzabal nga pika e bardhë (12’) ia dha Sociedadit epërsinë, para se Barcelona të rikthehej me Griezmann (38’) e Suarez (49’), mirëpo një pikë vendasve ia siguroi goli i Isak (62’), i cili shënoi për rezultatin përfundimtar 2-2.

Për Sociedadin, që sivjet po zhvillon një sezon mjaft të mirë dhe momentalisht është në luftë për top4, sonte për rreth 30 minuta luajti edhe Adnan Januzaj.