COPPA ITALIA - FINALE
REUTERS/Arkiv
Matri, ia sjell Kupën Juventusit
20 May, 2015 @23:17
Kampioni i Italisë, Juventus, është stolisur edhe me trofeun e Kupës së Italisë sonte.
Bianconerët stinorin perfekt të tyre e kurorëzuan me fitore ndaj Lazios në finale të Coppa Italia, duke i mposhtur pas vazhdimeve, dy herë nga 15 minuta, në Olimpico të Romës, 2-1.
Golin vendimtar të takimit e shënoi Alessandro Matri, që u fut në ndeshje si zëvendësues i Fernando Llorentes në minutën e 84-të të ndeshjes.
Ky është trofeu i dhjetë jubilar i Juventusit në Coppa Italia, derisa ata i kanë dhënë fund pritjes 20 vjeçare për këtë trofe.
Te Lazio për 120 minuta u paraqit në portë, portieri i kombëtares Etrit Berisha.
Trajneri i Juventusit, Massimiliano Allegri, është larg vetëm një ndeshje që të përfundojë përgjithësisht stinorin me tre trofe, nëse arrin fitore ndaj Barcelonës në finale të Ligës së Kampionëve më 6 qershor në Berlin.
FAKTE:
| Juventus për herë të fundit trofeun e Kupës italiane e kishte fituar në vitin 1995. | Ky është trofeu i dhjetë i Kupës së Italisë për Juventusin. |
