Mavraj i kthehet stërvitjeve

Përzgjedhësi i kombëtares shqiptare, Gianni De Biasi, me shumë gjasë mund të llogaris edhe tek qendërmbrojtësi Mërgim Mavraj, për dy ndeshjet e tetorit, ku kuqezinjtë do të përballen kundër Serbisë dhe Armenisë.

Mavraj, i cili një kohë të gjatë mbeti jashtë fushave të blerta për shkak të lëndimit, tashmë ka filluar stërvitjeve me ekipin e Kolnit.

Qendërmbrojtësi 29 vjeçar kishte pësuar lëndim tek gjuri, me ç‘rast ishte detyruar të ketë edhe ndërhyrje kirurgjike.

Mavraj nuk kishte arritur ta ndihmojë Shqipërinë në dy ndeshjet e fundit, përkatësisht ndaj Danimarkës dhe Portugalisë, ndërsa vendin e tij e kishte mbuluar Arlind Ajeti, duke treguar paraqitje të mira me fanellën kuqezi.