Mbeti i dëshpëruar

Goli i shënuar me kokë nga Victor Moses i Chelseat ka gëzuar tejmase tifozët e kampionit aktual europian, mirëpo ka lënë të dëshpëruar ekipin ukrainas dhe veçanërisht golashënuesin e dyfishtë, brazilianin Willian.

Willian i cili ka arritur të barazojë dy herë në ndeshjen e mbrëmshme është shprehur i dëshpëruar për pikën e humbur ndaj Chelseat.

“Me të vërtetë jemi të dëshpëruar. Shpresojmë që në ndeshjet tjera të sigurojmë daljen nga grupi. Assesi nuk merituar një humbje të tillë. Tash duhet të tregohemi në ndeshjet tjera pasi që ende asgjë nuk ka përfunduar,” u ka thënë ai reporterëve pas ndeshjes.

Shakhtar përkundër se ka përvojë të madhe në Ligën e Kampionëve në asnjë moment nuk llogaritej se do të mund t’i shkakonte telashe Chelseat dhe Juventusit në grup, e që nuk doli të jetë ashtu.