Me armë 10/10, ndër ushtarët më të mirë, Son kryen shërbimin

Futbollisti jugkorean i Tottenham Hotspurit Heung Min Son ka kryer sot zyrtarisht shërbimin ushtarak në vendin e tij.

Njoftimin e ka bërë të ditur The Korea Herald sot, duke treguar edhe fakte interesante për reprezentuesin e vendit të tyre.

Son ka qenë i saktë qindpërqind në gjuajtjet me armë duke qëlluar dhjetë herë cakun nga dhjetë tentime.

Por, suksesi i tij nuk ndalet këtu, pasi që ka qenë edhe në TOP 5 ushtarët e 157-shes që kryen shërbimin ushtarak këto ditë, sipas testimeve të bëra aty.

Pas kësaj, Son do të kthehet në Londër për t’iu bashkuar ekipit të tij, për të shikuar mundësinë e vazhdimit të stinorit në Premier Ligë, pas pandemisë që kaploi botën.