Penalltia e Odegaardit mban Arsenalin me fitore

Dy ndeshje dy fitore. Arsenali ka kaluar sonte edhe Crystal Palace-in në derbin e Londrës, ndërsa ka fituar përmes një penalltie të shënuar nga kapiteni i ekipit, Martin Odegaard.

Djelmoshat e Mikel Artetës kanë arritur pastaj t’i bëjnë ballë sulmeve të Palace-it, të cilët rrezikuan kryesisht përmes Eberechi Ezes. Edhe pse japonezi Takehiro Tomiyasu mori karton të kuq në minutën e 67 të ndeshjes, pas dy zverdhjeve të shpejta (60’, 67’) topçinjtë duruan dhe arritën te fitorja. Crystal Palace - Arsenal 0-1 [Odegaard 53’ pen.]

Gjashtë pikë nga dy ndeshje tash kanë vetëm tre ekipe, ku pos Arsenalit janë edhe kampioni Manchester City si dhe Brightoni. Përndryshe, pas fitores në xhiron e parë, Crystal Palace i Roy Hodgsonit përjetoi humbjen e parë të stinorit sonte.

Kliko X për të larguar reklamën dhe për të shikuar #highlights Crystal Palace - Arsenal