RAMOS
REUTERS/Javier Barbancho
Me Barcelonën
22 February, 2013 @9:15
Mbrojtësi i Real Madridit, Sergio Ramos, ka qenë mbrëmë mysafir në emisionin televiziv spanjoll El Hormiguero, ku ka biseduar me udhëheqësin Pablo Motos, për shumë gjëra interesante.
Në një moment, udhëheqësi i emisionit e pyet Ramosin se a është gëzuar për humbjen e Barcelonës në ndeshjen e Ligës së Kampionëve nga Milani.
“Ne jemi rivalë me Barcelonën, mirëpo kur një ekip spanjoll luan me ekipe jashtë vendit - unë gjithmonë anoj për ekipin e vendit tim,” ka thënë Ramos, duke bërë të ditur se përkunëdër rivalitetit të madh në Spanjë, ai nuk u dëshiron mossuksesin ekipeve nga vendi i tij në Europë.
Ndërkaq, më vonë gjatë emisionit ai ka treguar se gjithmonë i ka pëlqyer puna e toreadorit dhe me shokë shpesh shkon për t’u stërvitur me dema.
FAKT:
| El Hormiguero është show televiziv ndër më të shikuarat në Spanjë. |
