ARDIAN NUHIU, PAS FITORES
Me gola, erdhi qetësia
19 October, 2021 @16:18
Seria prej katër ndeshjeve pa fitore në Superligë ka marrë fund për Dritën sot, pasi që triumfuan ndaj Feronikelit, ndërsa trajneri i ekipit Ardian Nuhiu ka thënë se i tërë presioni për rezultat shkoi, kur erdhën në pjesë të dytë golat.
“Kemi pasur presion të lartë në pjesë të parë. U mundova t’i çlirojë futbollistët për të ardhur te goli pasi që kishim nevojë për fitore. E kur shënuam në pjesë të dytë, erdhi qetësia. Lojtarët i përgëzoj për paraqitjen e mirë në fushë, ndërsa për lojën e mirë të Dritës po tregon fakti se thuajse fare nuk po rrezikohemi nga kundërshtari gjatë ndeshjes,” ka thënë Nuhiu pas fitores së sotme.
Drita nuk kishte shënuar fitore qe katër xhiro në Superligë dhe prej kreut të tabelës ra në pozitë të tretë, ku gjendet tash.