Me “këmbë të mbarë” në stadium të renovuar, Llapi mposhtë Ulpianën

Në ndeshjen përuruese në stadiumin “Zahir Pajaziti” të renovuar dhe me bari natyral, Llapi ka shënuar fitore ndaj Ulpianës mysafire.

Ndeshjen në fjalë Llapi e mbylli me fitore 2-0 (Alban Shillova 56’, Çlirim Avdulli (AG) 65’).

Trimror Selimi i Ulpianës në mesin e pjesës së parë e kishte një prej rasteve më të mira të ndeshjes për të shënuar gol, por për fatin e keq të tij, ai u tregua i pasaktë para portës vendase. E ky rast i humbur iu revanshua Ulpianës më vonë.

TABELA AKTUALE

Llapi i Tahir Batatinës gjatë pjesës së dytë e gjeti dy herë rrjetën dhe kështu e fitoi këtë përballje.

Fillimisht Alban Shillova me kokë (56’) shënoi për 1-0, e më pas një autogol i Çlirim Avdullit (65’) e vulosi përfundimisht fitoren e Llapit.

Pas fitores së shënuar sot, Llapi i afrohet kreut në 5 pikë, kurse Ulpiana vazhdon ta rrezikojë rikthimin në Ligën e Parë.

Xhiron që vjen, Llapi i shkon Dritës, kurse Ulpiana e pret Malishevën.