RAMA - PAS NDESHJES
Me rëndësi pikët
9 April, 2016 @18:22
Drenica ka shënuar fitore në minutat e fundit të ndeshjes ndaj Lirisë sot, edhe pse ndeshja nuk ka qenë për t’u lëvduar.
Mirëpo, rëndësia e pikëve për të dyja skuadrat e ka bërë të vetën sa i përket lojës së sotme, ka thënë trajneri i ekipit drenicak, Fadil Rama.
“Mendoj se ka qenë fitore e merituar e jona. Vetë rëndësia e lojës e ka bërë të veten. Ka qenë vështirë sot me tregu lojë të mirë duke ditur rëndësinë e pikëve,” ka thënë Rama pas ndeshjes.
Drenica me fitore ndaj Lirisë ka tubuar 34 pikë dhe ka lënë prizrenasit pas në klasifikim, duke u ngritur në pozitën e shtatë të tabelës.
Golat e Drenicës erdhën nga kapiteni Sami Geci, që shënoi nga penalltia dhe sulmuesi në formë i ekipit Granit Arifaj.
