Me trajnerin e ri, atmosferë tjetër

Disa ditë pas largimit të trajnerit Ernest Gjoka, për shkak të rezultateve të papritura të marra në gara evropiane, Shkëndija ka emëruar si trajner të ri të klubit, ish-trajnerin e dikurshëm, Bruno Akrapovic.

Akrapovic ka nisur menjëherë punën me ekipin kuqezi nga Tetova dhe kampionin aktual të Maqedonisë Veriore.

Nga fotografitë e postuara të klubit, duket se atmosfera në ekip ka ndërruar me ardhjen e Akrapovicit, ndërsa Shkëndija që u eliminua nga garat evropiane shpejtë, do të koncentrohet tërësisht në sezonin në vijim, për të mbrojtur titullin kampion.