Mediat: Panucci te kombëtarja, FSHF: Ju tregojmë më vonë

Federata Shqiptare e Futbollit (FSHF) pas publikimeve të ndryshme nëpër media se ka përzgjedhur selektorin e ri të kombëtares, ka dalë me njoftim publik në Facebook, ku ka bërë të ditur se ende nuk ka zyrtare asgjë.

“Në orët në vijim, do të konfirmohet zyrtarisht zgjedhja e FSHF-së për drejtimin e ekipi kuqezi. Në orët në vazhdim, gjithçka do të bëhet zyrtare,” ka shkruar njoftimi i FSHF-s, botuar pak më parë.

Cristian Panucci, ndihmës i Fabio Capellos, derisa ky ishte trajner i Rusisë, është favoriti më i madh për të marrë drejtimin e Shqipërisë, kanë shkruar mediat tiranase sot, pasi që ka kaluar Luigi de Canion gjatë bisedave me krerët e FSHF-së, duke i bindur ata.