KUQEZI
Meha në operacion
14 May, 2013 @9:35
Mesfushori i kombëtares shqiptare, Alban Meha, i cili njihet si specialist i gjuajtjeve të lira, pas lëndimit të marrë në fundjavë me klubin e tij Paderborn në Bundesliga 2, do të duhet të operohet.
Kështu ka njoftuar gjermanja Kicker, ku thuhet se shqiptari Meha pritet të jetë kthehet i gatshëm për stinorin tjetër pas operimit në meniskus.
Mungesa e Alban Mehës do të jetë e madhe për kombëtaren shqiptare, që në qershor luan ndeshjen kualifikuese për Kampionat Botëror ndaj Norvegjisë në Tiranë.
Meha ka shënuar gjashtë gola këtë stinor në Bundesliga 2 me Paderbornin, derisa ka tre paraqitje me kombëtaren shqiptare.
