INTERNAZIONALE
Menyja e natës: 3 pikë bolonjeze
12 March, 2016 @22:57
Skuadra e Interit, e mbylli xhiron e 29-të, me një tre pikësh, duke e mposhtur Bolognën, me rezultat 2-1.
Ivan Perisic, arriti të shënojë golin e parë pas 72 minutave, derisa nuk zgjati shumë, skuadra e Mancinit, e shijoi golin e dytë në minutën e 76-të, me italianin Danilo D’Ambrosio.
Goli i vetëm për skuadrën mysafire, erdhi në minutën e 90-të, nga Franco Brienza, por nuk mjaftoi koha për të shpresuar për ndonjë pikë të mundshme.
Kjo ishte fitorja e dytë radhazi e Interit, derisa në total i kanë 54 pikë të grumbulluara dhe gjenden në pozitën e katërt në tabelë.
