NGA KONFERENCA
Mërgim Vojvoda: Pikat e forta të kundërshtarit…
6 September, 2019 @16:07
Mbrojtësi i Kosovës që luan për ekipin elit belg, Standard, Mërgim Vojvoda në konferencë për shtyp para ndeshjes ndaj Çekisë, ka thënë se ekipi është i përgatitur për duelin e radhës dhe është koha për të treguar veten në këtë ndeshje.
Ai së pari ka folur për mungesat në skuadër, për bashkëlojtarët si Milot Rashica, Arbër Zeneli e Benjamin Kololli, për të cilët ka thënë se mungojnë, por tash ekipi ka konkurrencë brenda dhe do të ketë zëvendësime.
TABELA AKTUALE dhe ORARI I NDESHJEVE
Vojvoda ka shtuar se Çekia është nivel tjetër në krahasim me kundërshtarët e deritashëm të grupit.
“Ata janë shumë më të mirë se kundërshtarët e deritashëm, në mbrojtje do të jemi shumë më të kujdesshëm, për këto gjëra edhe kemi ushtruar në stërvitje, për pikat e forta të tyre dhe na ka folur trajneri,” ka thënë ai.
TABELA AKTUALE dhe ORARI I NDESHJEVE
Kurse sa i përket konkurrencës në pozitën e tij, me ardhjen e Florent Hadërgjonajt në ekip, Vojvoda ka folur si një xhentëllmen i vërtetë duke thënë se kjo vetëm që e forcon edhe më shumë ekipin dhe i mundëson lojtarëve që të jenë edhe më të përgatitur se zakonisht - që është në të mirë të ekipit dhe Kosovës në tërësi.