Mësohen vazot në Euroleague

Me kompletimin e 28 skuadrave pjesëmarrëse në edicionin e ri të ligës më të fortë të basketbollit në Europë, Euroleague, është mësuar edhe renditja e tyre nëpër vazo para shortit të fazës së parë grupore që do të tërhiqet më 9 korrik.

Kështu, tre nga katër skuadrat nga Final Fouri i sivjetëm, Real Madrid, Olympiacos dhe CSKA, do të jenë në vazon e parë së bashku me skuadrën e Barcelonës, derisa skuadra tjetër nga Final Fouri i sivjetëm, Fenerbahce Ulker, do të jetë në vazon e dytë së bashku me Maccabin, Panathinaikosin dhe Anadolu Efesin.

Pas shortit të 9 korrikut, skuadrat do të ndahen në katër grupe (A, B, C, D) me nga 6 skuadra, ku 4 prej tyre nga secili grup do të kualifikohen në fazën e dytë grupore.

Skuadrat nga i njëjti shtet, nuk do të përballen me njëra tjetrën në fazën e parë grupore.

Sivjet, Spanja dhe Turqia janë dy shtetet me më së shumti skuadra që do të luajnë në Euroleague (4).

Vazot për shortin e fazës së parë grupore