Messi mungon deri në 3 javë

Barcelonës i vështirësohen punët në momentin kur më së shumti kanë nevojë për sulmuesin Lionel Messi. 

Një goditje e pësuar dje në ndeshje ndaj Almerias është konfirmuar se ia ka lënduar muskulin argjentinasit shtatëshkurtër dhe ai do të jetë jashtë fushave për dy deri në tre javë, shkruan në faqen zyrtare të klubit katalonas sot. 

Kështu, Messi do të mungojë 100% në ndeshje ndaj Celticut si dhe ndaj Valladolidit. Barcelona stinorin e kaluar në Ligë të Kampionëve ishte mposhtur nga Celticu në Glasgow. 

Messi deri më tani ka shënuar 11 gola në të gjitha garat për Barcelonën këtë stinor.