Messi rikthehet furishëm, fiton Argjentina

Pa ndonjë problem të madh, Argjentina ka arritur ta fitojë ndeshjen ndaj Panamasë me rezultat 5-0, skuadër e cila nuk kishte fuqi të përballej me sulmin e frikshëm të trajnerit Martino.

Gjërat për Argjentinën u bënë edhe më të lehta në minutën e 30’, kur skuadra e Panamasë mbeti me 10 lojtarë në terren pas përjashtimit të Godoyt me karton të kuq.

Më pas, ndeshja nuk pati më histori, me Argjentinën që dominoi plotësisht dhe e mbylli takimin me goleadë.

Ajo që ra në sy në këtë takim ishte rikthimi i Lionel Messit, i cili u inkuadrua në lojë pas minutës së 60’ dhe arriti të shënojë hat-trick për më pak se 15 minuta.  I vetmi shqetësim për Argjentinën mund të jetë lëndimi i Di Marias, i cili u largua nga loja në fundin e pjesës së parë.

Pas 2 ndeshjeve, Argjentina ka 6 pikë dhe me lojërat e treguara duket se është një nga favoritët për ta fituar trofeun e Copa America këtë sezon.

COPA AMERICA GRUPET DHE ORARI

[ALL GOALS & HIGHLIGHTS] Argentina 5-0 Panama… by EarthSavii