LEICESTER - LIVERPOOL
Mignolet vendimtar, Liverpooli i rikthehet fitoreve
23 September, 2017 @20:29
Pas dy xhirove pa fitore dhe eliminimit nga Kupa e Ligës, Liverpooli i është rikthyer fitoreve në transfertën ndaj Leicester Cityt.
‘The Reds’ zhvilluan një pjesë të parë shumë të mirë, me të rikthyerin Coutinho që dhuroi një gol e një asistim, kurse ishin përsëri gabimet në mbrojtjen e Liverpoolit ato që e rikthyen kundërshtarin në lojë.
Gjithsesi, për këto 3 pikë të fituara meritat i takojnë portierit Mignolet, i cili priti penalltinë e Jamie Vardyt dhe nuk e lejoi barazimin e rezultatit, duke bërë kështu që Liverpooli të largohet me 3 pikë nga ‘King Power Stadium’.
