LIVERPOOL - CHELSEA
Mignolet vendimtar, pa fitues në Anfield
31 January, 2017 @22:51
Pa fitues është mbyllur dueli kryesor i xhiros së XXIII në Premier League.
Pas 3 humbjeve radhazi në ‘Anfield Road’, Liverpooli nuk lejoi që të mposhtej për të katërten herë, ndërsa merita për këtë gjë ka Simon Mignolet, i cili e mohoi fitoren e mysafirëve pasi priti penalltinë e spanjollit Diego Costa 20 minuta para përfundimit të takimit.
Në fakt ndeshja e sontme mund të quhet ‘me 2 fytyra’ për belgun Mignolet, i cili golin e Chelseat e pranoi nga një goditje dinake e David Luiz, gol i cili mund të evitohej sikur Mignolet të pozicionohej më shpejt. Barazimi i vendasve erdhi nga holandezi Wijnaldum me kokë dhe gola të tjerë nuk pati.
Ky barazim mund të quhet një rezultat i mirë për Chelsean, kur dihet që Tottenhami e Arsenali nuk fituan sonte, derisa Liverpooli rrezikon paksa, me skuadrat e Manchesterit që takimet e xhiros nuk i kanë luajtur ende.
