Milan, i treti

Skuadra e Massimiliano Allegrit ka arritur të shënojë fitore në ndeshjen për vendin e tretë në Audi Cup 2013, duke e mposhtur Sao Paulon 1-0. Golin e vetëm për milanezët e ka shënuar Kingsley Boateng në minutën e shtatë pasi që kishte filluar pjesa e dytë. 

Me këtë fitore Milan sadopak është këndellur pas humbjes përulëse dje ndaj Manchester Cityt 5-3, ku pas vetëm 35 minutash lojë kishte pranuar pesë gola nga nënkampioni anglez. 

Kjo është hera e parë që pas tre viteve Milan zë vendin e tretë në këtë turne, pasi që në të gjitha vitet paraprake rossonerët kanë qenë në vendin e fundit.