Shkëndija përforcohet menjëherë

Skuadra shqiptare e Maqedonisë, Shkëndija, me të arritur përkrahjen e sponsorit Ecolog, ka filluar menjëherë me përforcime të reja për skuadrën para stinorit të ri. 

Kështu, tetovarët janë përforcuar shpejtë me disa ndër futbollistët më në emër në vend si Nebi Mustafi dhe Muharrem Bajrami. Sulmuesi Burhan Emrullai gjithashtu ka nënshkruar kontratë njëvjeçare, derisa edhe Adrian Nuhiu ka konfirmuar marrëveshjen në parim me kuqezinjtë. 

Artim Pollozhani, Burhan Aliu dhe të tjerë gjithashtu nuk do të ndërrojnë mjedis, derisa pritet shpërthimi i skuadrës shqiptare në ligën elite maqedonase në stinorin që vjen.

Shkëndija përfundoi në vendin e pestë të elitës maqedonase në stinorin e kaluar. Ndërkaq, Renova është skuadra e vetme shqiptare në Maqedoni që ka arritur të fitojë titullin e kampionit deri më tani.