Everton mposht Juventusin

Everton ka befasuar Juventusin në ndeshjen e përfunduar më parë sot në mëngjes. Djelmoshat e kaltër nga qyteti i Liverpoolit, nën udhëheqjen e trajnerit të ri të tyre, Roberto Martinez, kanë arritur ta ndalin kampionin italian, Juventus, pas penalltive. 

Ka qenë belgu, Kevin Mirallas, që ka shënuar golin e parë në ndeshje duke depërtuar nga krahu i djathtë vetë, pasi që pranoi një pasim të gjatë nga pjesëfusha e vetë prej nigerianit Victor Anichebe, kaloi mbrojtësin Federico Peluso dhe shënoi për 1-0. 

Më vonë Juventus sulmoi, kishte raste, por amerikani në portën e Evertonit u bë hero në atdheun e tij duke bërë pritje maestrale, derisa Kwadwo Asamoah shfrytëzon një top te fusha e Evertonit, për të shutuar dhë qëlluar këndin e portë për barazim, 1-1. 

Në fund, pas barazimit u desht të ekzekutohen penalltitë, ku Tim Howard përsëri doli në skenë duke dërguar Evertonin në gjysmëfinale të turneut, International Champions Cup. 

Tash Everton do të pres fituesin e ndeshjes Real Madrid-Los Angeles Galaxy, ndërsa Juventus do të luajë me humbësin nga kjo ndeshje.