Rekord transferi i Tottenhamit

Skuadra spanjolle, Valencia, ka konfirmuar se Tottenham Hotspurs ka ofruar shifrën e parave që e liron sulmuesin e tyre, Roberto Soldado, nga çdo obligim me lakuriqët. 

Kështu, pas testeve mjekësore, Soldado, do të bëhet futbollist i Tottenham Hotspurs. 

“Kemi kënaqësinë t’ju njoftojmë se kemi arritur marrëveshje me Valencian për transferimin e Roberto Soldados,” shkruante njoftimi në faqen zyrtare të Tottenhamit sot. 

Soldado i ka kushtuar Tottenhamit 30 milionë euro, që e then rekordin e transferit të klubit, të cilin gati dy muaj e mbante braziliani Paulinho, i cili gjithashtu u transferua këtë verë. 

Roberto Soldado 28 vjeçar ka shënuar 24 gola për Valencian në stinorin e fundit të La Ligas. Ai ka filluar karrierën në Real Madrid, para se të kalojë në Getafe, ku së fundi shkëlqeu me lakuriqët duke shënuar 80 herë në 146 paraqitje.