DAVID LUIZ
Mirë i’u bë Manchesterit!
7 March, 2013 @16:05
Eliminimin e Manchester Unitedit nga Liga e Kampionëve, përveç tifozëve të Real Madridit, e ka gëzuar edhe dikë tjetër.
Mbrojtësi i Chelseat, David Luiz, ka thënë se eliminimi i rivalit të tyre nga Premier League është një gjë pozitive për ekipin e tij.
“Ekipet si Manchester Unitedi kur po arrijnë rezultate të mira në Ligë të Kampionëve, po bëhen më të rrezikshme. Manchester e ka humbur sado pak vetëbesimin dhe moralin pas eliminimit. Nëse mund ta shfrytëzojë këtë, atëherë do të kishim një përparësi të madhe ndaj tyre,” është shprehur Luiz për Sky Sports.
Dy ekipet e forta nga Premier League, Manchester United dhe Chelsea, do të përballen ndërmjet vete më 10 mars në stadiumin Old Trafford, në kuadër të çerekfinales së Kupës FA.
