FLET BALOTELLI
Mjaft më me dramë! Kryesorja fituam!
20 February, 2015 @19:45
Liverpool ka shënuar fitore mbrëmë ndaj Besiktasit në Europa League me rezultat minimal 1-0, nga penalltia, të cilën e shënoi sulmuesi italian, Mario Balotelli.
Mirëpo, e tëra nisi pas ndeshjes, kur kapiteni legjendar i Liverpoolit, Steven Gerrard, kritikoi Balotellin se është dashur ta dëgjojë kapitenin në fushë, Jordan Henderson, pasi që dikush tjetër duhej ta shutonte atë.
“Ai u tregua jo respektues ndaj kapitenit, përkudnër që e shënoi penalltinë,” ka thënë ndër të tjera Gerrard.
Mediat angleze u morrën shumë me këtë çështje që prej pas ndeshjes e deri sonte kur Mario i tha gjithçkaje ndalë.
“Ndaleni dramën! Me rëndësi është ekipi dhe fitorja. Ajo llogaritet. I falenderoj Hendersonit që më la të ekzekutoj penalltinë,” ka shkruar ndër të tjera italiani në llogarinë e tij zyrtare të Instagramit sot.
Liverpool do të udhëtojë për ndeshjen e dytë ndaj Besiktasit në Stamboll me epërsinë e fituar nga ndeshja e parë nga kjo penallti.
Përndryshe Balotelli është njëri ndër penallti shutuesit më të saktë në botën e futbollit.
Liverpool vs Besiktas (1-0) Full Highlights 19… by rubin7190
