Nënkampionja kthehet në Mitrovicë

Skuadra mitrovicase, Trepça’89, që kaloi fazën stërvitore dhjetëditëshe në bregdetin e Adriatikut, sot do të niset për Mitrovicë. 

Ekipi mitrovicas ka vetëm tre pikë më pak se kryesuesi aktual, Ferronikeli, derisa ndeshjen e parë në pranverë do ta luaj ndaj Dritës në Gjilan. 

Përndryshe, Trepça’89 është njëra ndër skuadrat më të suksesshme në vitet e fundit në Superligë, duke përfunduar në tre stinorët e fundit si nënkampione e Kosovës. 

Mitrovicasit kanë zhvilluar disa ndeshje miqësore gjatë qëndrimit në Mal të Zi, ku së fundi kanë mposhtur Gorazhden 1-0 me anë të golit të sulmuesit Berat Hyseni. 

Ilir Izmaku, Kreshnik Lushtaku, Blendi Memaj, Obisheran Rohmi, Alloden Ahmed Tovola, Omwuka Michel Nwoso, Sulejman Affez Affinde dhe Olatunde Sundujtuafew, janë përforcimet e regjistruara të ekipit të Fahredin Durakut për pranverë, derisa së fundi është paralajmëruar edhe huazimi i Peter Olayinkas, golashënuesit më të mirë të kampionit të Shqipërisë, Skënderbeut. 

TABELA AKTUALE E SUPERLIGËS