TOTTENHAM
Mou: Presionin e kam okisgjen!
26 February, 2021 @23:27
Trajneri i Tottenham Hotspur ka komentuar gjendjen e klubit që po e drejton, derisa ekipi është në krizë rezultatesh në Premier Ligë, duke humbur pesë nga gjashtë ndeshjet e fundit të elitës angleze të futbollit.
Spurs u kualifikua në të tetën e finales së Europa Ligës, ndërsa shorti sot ia nxorri përpara Dinamon e Zagrebit ku luan Lirim Kastrati.
“Problemi është nëse s’ke presion. Për mua, kjo është si oksigjen, është jetë,” ka thënë Mourinho para ndeshjes së radhës që e ka ekipi në Premier Ligë, ndaj Burnleyt.
“Me kohë mësohesh me gjithçka dhe këtë ia lë kohës. Duhet të adaptohesh me secilën situatë,” ka shtuar portugezi.
Forma aktuale e Tottenhamit i ka lënë ata nëntë pikë larg TOP 4-shes që çon në Ligë të Kampionëve stinorin tjetër. Mirëpo, rruga tjetër për Tottenhamin nëse s’arrin përmes Premier Ligës në Ligë të Kampionëve, për Mourinhon mbetet Europa Liga. Por, atë duhet ta fitojë për të siguruar elitën e futbollit evropian në stinorin 2021/22.