BUNDESLIGA
Miloti shkëlqen Werderi përmbys Eintrachtin
26 February, 2021 @22:51
Milot Rashica ka shkëlqyer sonte për Werderin duke kontribuar jashtëzakonisht në fitoren e skuadrës së tij, e cila erdhi duke e përmbysur epërsinë e Eintracht Frankfurtit.
Werder Bremeni e mposhti kundërshtarin me rezultat 2-1.
Frankfurti kaloi në epërsi me lojtarin në formë Andre Silva në minutën e 9’, kurse Werder Bremeni u këndell në pjesën e dytë të ndeshjes.
Së pari e barazoi rezultatin përmes Theodor Gebre Selassie në minutën e 47’, e më pas kaloi në epërsi me Joshua Sargent në minutën e 62’.
Miloti në këtë ndeshje shkëlqeu, derisa luajti 86’ minuta.
Werderi me këtë fitore gjendet në pozitën e 12 me 26 pikë, kurse Frankfurti gjendet në pozitën e katërt me 42 pikë.