Besmir Bojku dhe Klodian Duro - në disiplinore

Mesfushori i rëndësishëm i Feronikelit, Besmir Bojku dhe kryetrajneri i skuadrës nga Drenasi, Klodian Duro - janë futur në procedurë disiplinore nga Komisioni i Garave të FFK-së, bën të ditur faqja zyrtare e Federatës.

Mesfushorit Bojku i është inicuar disiplinorja pasi që mori karton të kuq në përballjen e fundit të skuadrës në Superligë, ndaj Drenicës, duke ndërhyrë te lojtari i fundit.

Ndërsa ish-mesfushorit të krahut të kombëtares shqiptare, tash trajnerit të ekipit nga Drenasi, Duro, i është inicuar disiplinorja pasi që sipas raportit publikuar në FFK, ai ka provokuar ekipin mysafir pas përfundimit të ndeshjes dhe eksalimin e situatës e ka ndaluar intervenimi i policisë së Kosovës.