PAS NDESHJES - MOURINHO
Mourinho: Vjen me strategji, pranon gol menjëherë!
23 October, 2016 @20:21
Jose Mourinho nuk e ka përbirë lehtë humbjen e thellë nga Chelsea sot me ekipin e tij, Manchester United. Sidoqoftë, në deklaratën e tij pas ndeshjes ka theksuar se ekipi i tij u thye shpejt dhe tash duhet të fitojë ndeshjet e ardhshme, që nuk janë aspak të lehta.
“Vjen me strategji dhe nuk guxon të pranosh gola ashtu si i pranuam ne. Ne vinim me përafrim sulmues në ndeshje. Dëshiruam të krijonim raste, këtë e treguam pas 1-0. E dyta dhe e treta ishin gola kundërsulmi,” ka thënë Mourinho pas ndeshjes.
RAPORTI, CHELSEA 4-0 MANCHESTER UNITED
“Ka qenë njëra nga ato ditët ku i jep avantazh kundërshtarit pa bërë asgjë. Shikuar me pikë, kemi fituar zero pikë sot, kemi humbur tre pikë. Jemi 6 pikë larg nga kreu dhe tre nga katërshja kryesore. Tash na duhet të fitojmë për të mbyllur distancën e pikëve me kryesuesit, që nuk do të jetë lehtë. Tash na duhen pikët,” kanë qenë fjalët e Mourinhos.
Manchester United i Mourinhos u mposht 4-0 nga Chelsea në Stamford Bridge.
