VLLAZNIA - KOSOVA P
Vllaznia i kthehet fitores
23 October, 2016 @17:10
Vllaznia e Pozharanit ka shënuar fitore 4-3 sot ndaj Kosovës së Prishtinës në terren të vetë për t’iu kthyer fitores pas tre humbjeve radhazi që i pësoi në tre xhirot e kaluara.
Fitorja për ekipin nga Pozharani u paralajmërua heret sot kur brenda gjysmë ore ekipi veçse kishte arritur epërsinë 2-0, ndërsa mysafirtë e ngushtuan atë në fund të pjesës së parë nga penalltia, 2-1.
Sidoqoftë, Vllaznia vazhdoi me tempo të njejtë edhe në pjesë të dytë për të ngritur epërsinë 4-1, ndërsa e tëra që Kosova arriti deri në fund ka qenë ulja e epërsisë së vendasve në 4-3.
Vllaznia tash ka 16 pikë pas 10 xhirove të para të Ligës së Parë, ndërsa Kosova 13.
