Muja dhe Sejdiu afrojnë Trepçën drejt Superligës

Me dy gola të shënuar që në 45 minutat e para, Trepça i ka bërë të ditur sot Ramiz Sadikut në Prishtinë se do t’i marrë pikët e plota nga takimi.

TABELA AKTUALE E LIGËS SË PARË

Ardian Muja dhe Isuf Sejdiu kanë shënuar golat në pjesë të parë për ekipin mitrovicas, ndërsa ka qenë përsëri Muja me golin e tij në pjesë të dytë që u ka siguruar edhe rezultatin përfundimtar liderëve të Ligës së Parë, që me këtë fitore kanë bërë edhe një hap drejt sigurimit matematik të Superligës për stinorin e radhës.

Në xhiron që vjen Trepça luan përsëri ndaj një ekipi prishtinas, pasi që 2 Korriku vjen në “Adem Jashari”. Kurse Ramiz Sadiku që është i qetë në mes të tabelës, luan ndaj Luftëtarit.