Mungon ndaj Arsenalit

Mesfushori françez i Bayern Munchenit, Franck Ribery, ka kaluar një operim të suksesshëm në prapanicë, pas një lëndimi të pësuar. 

Njoftimin e ka konfirmuar klubi bavarez derisa kampioni në fuqi i Europës, Gjermanisë e Botës, shpreson që ai të jetë i gatshëm për rikthim ndaj Arsenalit, ndeshje kjo e vlefshme për të tetën e finales së Ligës së Kampionëve. 

Ribery do të mungojë sigurisht në ndeshjet ndaj Nurnbergut në Bundesligë, pastaj në çerekfinale të Kupës së Gjermanisë ndaj Hamburgut dhe ndeshjes së ardhshme në ligë, ndaj Freiburgut që luhet javën e ardhshme. 

Ribery ka qenë njëri ndër tre kandidatët finalistët për të fituar çmimin e lojtarit të vitit Topi i Artë.