Muriqi shënon në derbi, Feneri mposht Besiktasin

Në derbin e luajtur në mes të Fenerbahçes dhe Besiktasit, fitues doli Feneri, duke e mposhtur kundërshtarin me rezultat 3-1.

Goli i parë i vendasve erdhi në minutën e 23’ nga pika e bardhë, gol i shënuar nga gjermani Max Kruese, kurse epërsinë e dyfishoi në minutën e 32’ Ozan Tufan, që nga distanca shënoi një super gol.

Besiktasi në minutat shtesë të pjesës së parë e ngushtoi epërsinë me Atiba Hutchinson, për t’i dërguar skuadrat në pushim me rezultat 2-1.

Në pjesën e dytë, Fenerbahçe e kontrolloi ndeshjen totalisht, derisa sulmuesi i përfaqësueses së Kosovës, Vedat Muriqi, shënoi në minutën e 58’, pas asistimit të Mauricio Islas.

Feneri kishte edhe disa raste tjera shënimi, por nuk arriti t’i realizojë dhe kështu derbi u mbyll me rezultat 3-1 në të mirë të Fenerbahçes.

Fenerbahçe nuk është duke pësuar kundër Besiktasit në 18 ndeshje në shtëpi, që nga viti 2005.

Me këtë fitore Feneri ngritet përkohësisht në pozitën e tretë me 28 pikë, derisa Besiktasi mbetet në pozitën e katërt me 27 pikë.

Për Vedatin ky ishte goli i tij i 10 në Superligën turke dhe aktualisht gjendet në pozitën e dytë në listën e golashënuesve të kësaj lige.