SHQIP NË BOTË
Mustafi i stërlumtur me interesimin e Realit
29 June, 2015 @14:16
Interesimi për Shkodran Mustafin në ditët e fundit është ngritur, sipas raporteve nga mediat e huaja. Djaloshi nga Gostivari që ka pasaportë gjermane dhe ka fituar titullin e botës me Gjermaninë, është kërkuar nga Real Madridi si dhe nga Barcelona e së fundi edhe Bayerni.
“Aktualisht jam në pushime, por më tregoni kush nuk do të ishte i lumtur po të interesohej Real Madridi?” ka thënë Mustafi për Sport 1 sot.
“Kjo tregon se ke arritur ngritjen e nivelit të lojës dhe me interesimin e Realit çdo lojtar do të ishte i lumtur.”
Ish stoperi i Sampdorias në Serie A, ka kontratë me Valencian, derisa klauzola për lirimin e tij kushton 50 milionë euro.
