Namani vendos, Drita mposht kampionin

Në ndeshjen kryesore të xhiros së katërt të Superligës, Drita nga Gjilani ka shënuar fitore 1-0 ndaj Feronikelit në përballjen mes dy kampionëve të fundit të Kosovës.

Goli i vetëm i ndeshjes u shënua nga Hamdi Namani, i cili realizoi me kokë në minutat shtesë të pjesës së parë, ndërsa në vazhdim të ndeshjes më gola nuk pati përkundër tentimeve të skuadrave për shënim.

TABELA AKTUALE

Goli i Namanit bën që Drita të jetë lidere e tabelës me 9 pikë, aq sa ka edhe Gjilani i vendit të dytë, përderisa për Niklin kjo është humbja e dytë sezonale.

Xhiron e ardhshme, Drita i shkon Llapit në Podujevë, kurse Feronikeli në Drenas e pret skuadrën e Flamurtarit.