Nata e mbrojtjeve!

Meqë të gjithë janë përqëndruar në Cristiano Ronaldon i cili do të luaj kundër ish-ekipit të tij dhe tek Van Persie i cili po kalon një formë shumë të mirë, si duket kësaj radhe do të vendosë mbrojtja e njërës apo tjetrës palë, se kush do të kualifikohet në fazën e ardhshme.

Trajneri i United-it, Alex Fergusson ka pasur problem të vazhdueshëm me mbrojtjen, ngase nuk mund ta gjejë një kombinim të duhur, mirëpo në Madrid ai duhet që të evitojë këto probleme.

Fergusson, gjatë këtij stinori, në ndeshjet si mysafir ka preferuar paraqitjen 4-5-1, me Van Persien në sulm dhe Rooneyn në bankën rezerviste ose mbrapa tij.

Në anën tjetër Jose Mourinho e din shumë mirë, që Van Persie e Rooney janë në kulmin e formës së tyre, mirëpo megjithatë duhet të mundohet ta shfrytëzojë avantazhin e të qenit vendas, që ta ketë një rezultat sa më të mirë, para ndeshjes kthyese në Old Trafford.

Sa i përket statistikave, Rooney ka shëunar 10 herë në 10 ndeshjet e fundit, ndërsa Van Persie deri më tani në 31 ndeshjet e fundit ka shënuar 23 herë, mirëpo kur flitet për formë të mirë hiq më keq nuk i ka punët Ronaldo i cili ka shënuar 32 here në 30 ndeshje, sa i ka zhvilluar derimë tani.

Prandaj, pasi që secili ekip ështe ‘rahat’ në fazën e sulmit, atëherë diferenca do të vendoset nga mbrojtja dhe portieri. E, këtu qëndron një problem ngase Realit i mungon Iker Casillas i cili ka thyer dorën.

Krejt në fund sa i përket statistikave në paraqitjet në ligat respektive, Real Madridi nuk është në formën më të mirë ngase ka fituar vetëm 2 ndeshje nga 5 sa i ka zhvilluar në të gjitha garat dhe ka shënuar 7 fitore në 14 ndeshje.

Në periudhën e njejtë, Manchester United nuk din për humbje dhe ka fituar 11 herë, duke thelluar epërsinë që ka në Premier League.

CHAMPIONS LEAGUE