CHUCHO
mntfoot
Ndërron jetë Benitez!
29 July, 2013 @18:12
Agjencia shtetërore e lajmeve të Ekuadorit, Andes, ka raportuar për vdekjen e futbollistët të përfaqësueses ekuadoriane, Christian Benitez, Chucho.
Shkaku i vdekjes së tij nuk është gjetur ende dhe aktualisht besohet të jetë vdekje e natyrshme, pasi që Benitez ditë më parë kompletoi transferimin e tij nga klubi katarian El Jaish në Club America për 15 milionë dollarë dhe i kaloi testet mjekësore pa problem.
Benitez, ka qenë pjesë e skuadrës së Birmingham City në stinorin 2009/10, kur kjo skuadër garonte në Premier League. Ai kishte shënuar tre gola në 30 paraqitje për skuadrën e Birminghamit atë stinor, ndërsa prej 58 paraqitjeve me Ekuadorin kishte shënuar 24 herë.
Skuadra meksikane, Club America, e cila posa kishte transferuar lojtarin i ka shprehur ngushëllime familjes së futbollistit, duke theksuar në një komunikatë tjetër se futbollisti ka qenë në gjendje të mirë shëndetësore dhe nuk ka pasur asnjë ankesë deri më sot. Benitez nënshkroi kontratë tre vjeçare me Club American!
Video
Christian Benitez
Videoja përkujtimore për Christian Chucho Benitez e lëshuar pak më parë nga Birmingham City
