PARA NDESHJES FERONIKELI - FLAMURTARI
Në Drenas luftohet për ‘këndellje’
24 February, 2018 @11:27
Në “Rexhep Rexhepi” të Drenasit, sot skuadra vendase e Feronikelit e pret Flamurtarin nga kryeqyteti.
Të dyja skuadrat në këtë takim hyjnë pas serive negative; vendasit nuk dijnë për fitore që 3 xhiro me radhë, përfshirë edhe ndeshjet nga sezoni vjeshtor, kurse Flamurtari nuk e ka shijuar fitoren që 4 xhiro.
Në rast të fitores, këto do të ishin 3 pikët e para të Feronikelit nën drejtimin e Ismet Munishit në ndeshjen e tij të dytë, derisa e njëjta vlen edhe për Gajur Rexhepin e Flamurtarit.
Takimi i parë mes skuadrave kishte përfunduar me rezultat 2-2.
