Josa: Ndeshje e rëndësishme, duam vazhdimësi rezultatesh

Para ndeshjes mes dy rivalëve të vjetër të futbollit kosovar, Vëllaznimit e Prishtinës, për prishtinafc.com është shprehur Mirel Josa, kryetrajneri i kryeqytetasve.

“Problemi është që ne të jemi në ditë të mirë dhe iu kam thënë edhe herave tjera që duhet respektuar çdo kundërshtar, sepse janë skuadra që kanë qëllime dhe qëllimi i tyre është mbijetesa, kurse ne kemi qëllime tjera. Me rëndësi për ne është të fitojmë edhe një ndeshje të radhës siç është me Vëllaznimin.

E dimë që rivaliteti ndërmjet dy skuadrave ka qenë gjithmonë i madh, por nuk do të thotë që ky rivalitet do të kondicionoj ndeshjen. Ndeshja do të kondicionohet nga kushtet në të cilat do të luhet, dhe me këtë mendoj me kushtet aktuale të ndeshjes dhe jo ato atmosferike. Pra, duhet të jemi shumë të kujdesshëm për të zbatuar çdo gjë, për t’i bërë gjërat mirë, sepse po si bëre gjërat mirë atëherë do të kesh precedent.

Çdo trajner i don të gjithë lojtarët në gjendje që të luajnë dhe edhe pse ne kemi mungesa për shkak të kartonëve dhe Dallkun mungesë për shkak të lëndimit, atëherë nuk mund të themi që e kemi problem, sepse skuadra ka lojtarë që duan të mundohen ta zëvendësojnë. Pra, për mua është ndeshje e rëndësishme dhe e kam thënë edhe para Llapit kur të gjithë na thoshin se ndeshja me Llapin është problem. Nuk është problemi te ndeshja me Llapin, por problemi te vazhdimësia e një skuadre dhe këtë vazhdimësi do të shohim nga java në javë.” - u shpreh Mirel Josa, që sivjet me Prishtinën po e synon titullin kampion.

TABELA AKTUALE SUPERLIGA

Që nga xhiroja e kaluar, Prishtina ndodhet e para në klasifikim, ndërsa Vëllaznimi momentalisht ndodhet në zonën e barazhit.