“Në futboll gjithmonë ka mundësi për befasi”

Përfaqësuesja A e Kosovës tashmë është gati për të kryer edhe përgatitjet e fundit, para se të marr rrugë për në Zagreb, ku do të zhvillojë duelin e dytë ndaj Kroacisë, favorite të Grupit I kualifikues.

Selektori Bunjaki ka bërë të ditur se lojtarët dhe stafi e kanë parasysh fuqinë e Kroacisë, mirëpo, futbolli është i bukur sepse lejon befasitë.

TABELA AKTUALE DREJT RUSIA 2018

“E dimë që është një kombëtare shumë e fortë. E respektojmë, mirëpo në futboll gjithmonë është mundësia për befasi, do të luajmë me gjithë mundësitë dhe fuqinë tonë, pastaj të shohim,” ka thënë Albert Bunjaki në prononcimin e tij për Supersport dje.

Kroacia pret Kosovën pasnesër, të shtunën më 2 shtator, në Maksimir të Zagrebit.

Duelin e parë, Kosova-Kroacia, e patën fituar kroatët me rezultat bindës 6-0.