Në përkrahje të Azemit

Futbollistët e kombëtares së Shqipërisë, të cilët po përgatiten për ndeshjen kundër Portugalisë që do të luhet të dielën, nuk e kanë harruar ta kujtojnë edhe Ilir Azemin, sulmuesin e Greuther Furthit dhe të përfaqësueses së Kosovës i cili kishte pësuar një aksident të rëndë trafiku. Borozani.com

“Mërgim Mavraj, Debatik Curri, Herolind Shala, Ermir Lenjani, Shkëlzen Gashi, Taulant Xhaka dhe Amir Abrashi i urojnë shërim të mbarë vëllaut tonë Ilir Azemi dhe e presim të kthehet të luajë inshallah,” ka shkruar Mavraj në faqen e tij zyrtare në Facebook, me rastin e postimit të fotografisë.

Ai gjithashtu i ka uruar mirëseardhje në kombëtare edhe futbollistëve të rinjë, Taulant Xhaka dhe Herolind Shala.

Ndryshe, qendërmbrojtësi i Kolnit, Mavraj, deri në stinorin e kaluar ka qenë bashkëlojtarë i Ilir Azemit në skuadrën e Greuther Furthit.