Gjithçka gati

Stadiumi i qytetit në Prishtinë do të jetë arenë e dy ndeshjeve shumë të rëndësishme që do të luhen këtë vikend. Të shtunën do të luhet ndeshja Prishtina - Sivasspor, derisa të dielën Kosova - Omani.

Për këtë arsye Komuna e Prishtinës ka investuar në stadium për ta përmirësuar sa më shumë infrastrukturën e tij.

Punimet në stadium, që kanë filluar më 8 prill, tashmë veçse kanë përfunduar dhe stadiumi është i gatshëm për lojë, ndërsa shuma e shpenzuar kap shifrën e 35 mijë eurove.

Në stadium janë vënë rrethojat e reja që e ndajnë fushën nga publiku në pjesën jugore të stadiumit, hyrjet e stadiumit janë shtruar me kubëza, janë rinovuar zhveshtoret dhe tualetet, si dhe është rregulluar pjesa e stadiumit që është e planifikuar enkas për mediat dhe figurat publike.