Në shënjestër të Corinthiansit!

Skuadra e njohur braziliane, Corinthians, është duke shqyrtuar mundësinë e transferimit të sulmuesit shqiptar, Armando Sadiku, në afatin kalimtar të verës.

Sipas reporterit të mirënjohur italian të Sky Sport, Gianluca Di Marzio, sulmuesi 22 vjeçar është në shënjestër të ekipit brazilian dhe në stinorin e ardhshëm shumë lehtë mund të ndodhë që sulmi i Corinthiansit të formohet nga dyshja Sadiku - Pato.

Më parë spekulohej se edhe Fiorentina, Siena dhe disa skuadra të tjera gjermane, kanë shprehur interesim për përfaqësuesin e kombëtares shqiptare.

Sadiku për momentin luan te skuadra zvicerane, Lugano, dhe është golashënuesi më i mirë i ekipit të tij.