Nga vera në Bayern!

Robert Lewandowski, të cilit i përfundon kontrata me Borussia Dortmundin këtë verë është parë para dyerve të mjekut të Bayern Munchenit, Dr. Hans-Wilhelm Muller-Wohlfahrt. 

Sipas mediave gjermane pritet që Lewandowski të kryejë testet mjekësore me klubin bavarez të hënën e ardhshme, derisa ai do të bëhet pjesë e Bayernit nga vera që vjen. 

Polaku 25 vjeçar ka shkëlqyer me Dortmundin në vitet e fundit duke shënuar 65 gola për ekipin e tij prej vitit 2010. Ai ka shënuar hat-trick kundër Bayernit në finalen e Kupës së Gjermanisë në vitin 2012, derisa u bë lojtari i parë që shënoi katër gola në një ndeshje të Ligës së Kampionëve kur eliminuan Real Madridin në gjysmëfinale.